الوصفة السحرية لتبييض وترطيب الوجه

السلام عليكم ألبنات,

أنا من المعجبات بهاذ الموقع وهاذي أول مرة نشارك بغيت حتى أنا نقول ليكم على واحد الوصفة عجيبة قالت لي عليها واحد البنت الله يجازيها بالخير.

بصراحة هذيك البنت تنعرفها من الفايسبوك شريت من عندها fair and lovely ديال السعودية وقالت لي على الوصفة اللي تتستعملها شخصياً وموافقاها وحتى أنا وافقاتني بزاف …بلا منطول عليكم لالاتي هاهي المقادير….

- 2 معالق كبار صابون الطاوس محكوك
– معلقة صغيرة زيت الزيتون فايتة مسخناه
– معلقة كبيرة ماء الورد
– معلقة صغيرة جزر محكوك
– معلقة صغيرة عصير الليمون
– قطرات من الحامض
– معلقة صغيرة خيار محكوك بقشوره
– معلقة كبيرة دانون مسوس
-معلقة صغيرة نيدو غبرة

تخلطي هاذ العناصر مزيان وديريهم فشي حك خاوي ديال شي كريم وديريه فالثلاجة وكل يوم تدهني بيه وجهك وتخليه حتى ينشف ومن بعد تغسليه بالما بارد وتنشفيه وتدهني وجهك ب Fair and lovely.

أنا تندير فير اند لفلي ديال السعودية اللي شريت من عند هاذ البنت, واعرة بزاف ووافقاتني.

الى بغيتو الفايسبوك تاعها مرحبا ودعيوا معايا ومعاها,

بالتوفيق ان شاء الله والله ينور طريقكن ومحياكن