بالصور تحضير كعب الغزال مجرب %100

اليوم كانقدم ليكم الحادكات تحضير كعب الغزال مجرب %100 من حلويات عيد الفطر 

مقادير العجين:2 زلايف متوسطين دقيق الممتاز

كأس صغير و ربع زبدة ذائبة مصفيية مزيان من الماء ديالا

8 معالق كبار ماء الزهر

قبصة ملح

ملعقة كبيرة سكر

ماء بارد

مقادير عقدة اللوز:

1كيلو لوز مفسخ

نصف كيلو سكر

كأس صغير زبدة مدوبة و مصفية

8 معالق كبار ماء الزهر

قليل من المسكة الحرة مطحونة

الطريقة:
أولا كنجمع مقادير العجين ونضيفو الماء حسب الحاجة و لكن العجين خاصو يكون شاد راسو و ندلكوه مزياااااااااااان ثم نقسموه خبيزات صغار نغطوهم بالبلاستيك الغذائي ونخليوهم يرتاحو نصف ساعة.

بالنسبة للعقدة كنطحنو اللوز مع السكر جيدا ثم نضيف باقي المقادير و نخلط مزيان ثم نعملو حرابل
كنطلقو العجين رقيق جدا ثم ندهن بالزيت ثم نضع اللوز و نطويو عليه العجين بالطريقة لليموضحة فالصور